Një mundësi të tillë po mëton ta shfrytëzojë edhe infermieri në Qendrën Klinike Universitare të Kosovës, Enlirat Duraku.
Sikurse kolegët e tij edhe Enlirat Duaku po ia mësyn Dusseldorf-it në Gjermani. E gjitha kjo për një pagë më të mirë. Duraku pritet që për disa muaj të lë shtetin e mantillin e bardhë.
“Kjo është një procedurë që secili nga ne është dashur ta kaloj të paktën deri te niveli B2 për të migruar jashtë vendit. Konsideroj që jo vetëm unë por dhe të tjerët nuk e kanë synim që vetëm të shkojnë të punojnë pastaj të kthehen, jo përderisa trajtimin e kemi si qytetarë të dorës së dytë, nuk njihemi si profesion degradohemi dhe poshtërohemi si profesionistë dhe kompensimi është i tmerrshëm. Aktualisht ka procedura tjera që do të i kaloj derisa të migrojë në shtetin e Gjermanisë, deri atëherë do të jem aktiv dhe të jap kontributin në QKUK”, tha Enlirat Duraku, nënkryetar i Sindikatës së Infermierëve.
E kryetari i Odës së Mjekëve të Kosovës, Pleurat Sejdiu, tregon që deri në fund të këtij viti 200 mjekë do e lënë Kosovën.
“Arsyet kryesore janë si kushtet e punës, janë shumica të ri dhe e treta është paga pjesa financiare, janë arsyet e njëjta për ata qe po largohen nga publiku në privat të ndërmerret dhe të përmirësohen kushtet e punës, të fillohet me një reformë të mirëfilltë për programin specilisitik dhe ligji i pagave të ec, pa u bë ky trekëndësh i fort në aktivitetet nuk shoh një ndalje të tempos… nëse 200 shkojnë për këtë vit fakulteti i mjekësisë prodhon diku rreth 140 mjekë të rinj ne jemi në minus menjëherë”, tha Sejdiu.
Por alternativë për mantelbardhët nuk po është vetëm largimi në Evropë, meqë disa prej tyre kanë dhënë dorëheqje për të punuar në klinika private.
Raporti i gazetares Lendrina Kodrolli.
