Dy persona të moshës 22 dhe 24 vjeçare kanë humbur jetën në një aksident trafiku në rrugën nacionale Mitrovicë-Prishtinë, në segmentin rrugor në fshatin Smrekovnicë.
Sipas njoftimit të Policisë së Kosovës, në aksident është përfshirë një veturë, në të cilën ndodheshin shoferi dhe pasagjeri.
“Sipas të dhënave të para nga vendi i ngjarjes, në aksident është përfshirë një veturë, në të cilën ndodheshin shoferi dhe pasagjeri. Të njëjtit janë dërguar për trajtim mjekësor, ku mjekët kanë konstatuar vdekjen e tyre”, thuhet në njoftimin e Policisë.
Policia ka bërë të ditur se, me urdhër të prokurorit kompetent, trupat e pajetë të viktimave janë dërguar në Institutin e Mjekësisë Ligjore për obduksion.
“Me urdhër të prokurorit kompetent, trupat e pajetë të viktimave, meshkuj të moshës 22 dhe 24 vjeç, janë dërguar në Institutin e Mjekësisë Ligjore për obduksion.Njësia Rajonale e Trafikut, në koordinim dhe nën udhëheqjen e prokurorit kompetent, është duke ndërmarrë veprimet hetimore për rrethanat dhe shkaqet e aksidentit”, thuhet në njoftim.
