Ministrja franceze e Bujqësisë, Annie Genevard, tha të martën se sektori po kalon një “krizë të thellë” për shkak të thatësirës, valëve të nxehtësisë dhe zjarreve me të cilat përballet vendi.
Genevard i tha transmetuesit Franceinfo se një “treshe e frikshme” thatësire, valësh të nxehti dhe zjarresh qëndronte pas “krizës së thellë” me të cilën përballet sektori i bujqësisë.
“Po përjetojmë një verë të tmerrshme dhe fermerët po paguajnë një çmim të lartë. Të gjitha rajonet dhe të gjitha llojet e prodhimit preken në shkallë të ndryshme”, tha ajo.
Temperaturat mbi 30-35°C, mungesa e reshjeve dhe erërat e nxehta kanë dëmtuar kulturat në të gjithë Evropën.
“Këtë vit, të gjitha zonat tona kryesore të prodhimit janë goditur, dhe në të njëjtën kohë”, tha Eric Legras për Le Monde.
Edhe prodhimi i misrit në Francë pritet të bjerë me 35% krahasuar me vitin 2025, në rreth 9 milionë tonë, niveli më i ulët që nga viti 1980.
Përveç ndryshimit të kulturave, rënia lidhet edhe me valët e të nxehtit gjatë fazave kritike të rritjes.
Situata ka prekur edhe blegtorinë: lopët e qumështit vuajnë nga stresi i nxehtësisë mbi 25°C, ndërsa prodhuesit kanë raportuar rënie 10%-15% të prodhimit të qumështit dhe shqetësime për ushqimin dimëror.
