Sot në mengjes nga ora 11:30 është mbajtur shorti i ekipeve pjesëmarrëse.
Ekipet kosovare që do të marrin pjesë në FIBA Europe Cup janë Sigal Prishtina dhe Trepça.
“Minatorët” veç se e kanë mësuar kundërshtarin që do të përballen në fazën çerekfinale, bëhet fjalë për ekipin BT BG GÖTTINGEN një ekip nga Bundesliga gjermane që njihet si ekip i ri me lojëtarë në moshën mesatare 24.7 vjeçare.
Për ekipin bardh e kaltër nuk është e qartë akoma sepse ata presin fituesin në mes të duelit Kalev-Cramos(Estoni) dhe Cedevita Junior(Kroaci).
BC Kalev/Cramo është klub profesionist i basketbollit i vendosur në Talin, Estoni. E themeluar në vitin 1998, skuadra po garon në VTB United League, FIBA Champions League dhe Alexela Basketball League. Klubi ka dy fusha në shtëpi, Saku Arena dhe Kalevi Spordihall. BC Kalev/Cramo është kampioni në fuqi i Estonisë dhe ka fituar 11 herë ligën e Estonisë. Kryetrajneri i ekipit është Roberts Štelmahers.
Kurse klubi Cedevita Junior u themelua në vitin 1991 si KK Botinec. Në vitet e para, klubi kaloi nga nivelet më të ulëta të kompeticionit, deri në vitin 2002, kur hyri në ligën e parë kroate.
Në më shumë se 10 vite, klubi është bërë lider në kuadrin kroat, duke fituar pesë tituj radhazi kampion (2014-2018), shtatë Kupa Kreshimir Ćosić (2012, 2014-2019) dhe dy Superkupa./Tëvë1/
