Njohësi i çështjeve politike, Selam Shkodra, ka thënë se Kurti do të konstituojë Kuvendin dhe formojë Qeverinë pa ndonjë marrëveshje me partitë tjera shqiptare.
Ai ka thënë se Kurti këtë veprim do ta marrë pas veprimeve të partive opozitare, PDK, LDK e Aleancës.
“Z. Kurti e ka dëshmua që sa më i madh është presioni ndaj tij, ai vepron në mënyrë të një anshme, kështu që mendoj që veprimet e fundit të partive opozitare do ta shtyjnë drejt formimit të qeverisë i vetëm”, ka thënë ai në emisionin “Këndi i Debatit” në Tëvë1.
Megjithatë, Shkodra pret që pas konstituimit të Kuvendit do të ketë raund të ri të bisedimeve mes partive politike për presidentin.
“Pres që do të ketë edhe një raund të ri të negociatave mes subjekteve politike pas konstituimit të Kuvendit dhe formimit të Qeverisë dhe ky do të jetë raundi për zgjedhjen e presidentit”, ka thënë Shkodra.
Të martën e të mërkurën, kryetari i LVV-së njëherit kryeministër në detyrë, Albin Kurti kanë zhvilluar takime për arritjen e një marrëveshje për formimin e institucioneve.
Takimet nuk kanë dhënë ndonjë rezultat.
Pas takimit të së martës Kurti e Abdixhiku u shprehen optimistë.
Kreu i LDK-së tha se kërkojnë marrëveshje gjithëpërfshirëse duke treguar se nuk janë të intersuar për postin e kryetarit të Kuvendit.
Nga LDK kërkesë e kanë që kandidati për president të jetë nga kjo parti.
PDK e Aleanca kanë refuzuar ftesën e Kurtit për takim. Nga PDK kanë thënë se qëndrimi i tyre mbetet se do të jenë në opozitë në këtë legjislaturë.
Edhe Aleanca ka mbet në qëndrimet e saj, duke kërkuar që të pranohet gjashtë pikat e tyre në këmbim të bërjes së kuorumit për presidentin.
