Edon Zhegrova mund të largohet nga Juventusi gjatë këtij afati kalimtar.
“Zonja e Vjetër” është e gatshme të dëgjojë oferta për sulmuesin kosovar, i cili ende nuk ka arritur të tregojë versionin e tij më të mirë në Torino.
“Tuttomercato”, ka shkruar të martën se drejtuesit e Juves ende nuk kanë pranuar ndonjë ofertë konkrete për Zhegrovën.
Sipas raportimeve, Zhegrova nuk shihet si futbollist i rëndësishëm për projektin e trajnerit të Juves, Luciano Spallettit.
Sulmuesi i Kosovës nuk ka pasur shumë hapësirë te Juve në edicionin e kaluar.
E përfundoi kampionatin pa shënuar gol dhe pa regjistruar asistim.
27-vjeçari në të gjitha garat luajti vetëm 525 minuta. Në shumë prej ndeshjeve u inkuadrua në pjesën e dytë.
Zhegrova pjesë e Juves është nga vera e kaluar kur u transferua nga Lille për 15.5 milionë euro. Kontrata i skadon në vitin 2030.
