Në fshatin Kalludër të Vogël të Zubin Potokut janë gjetur mbetje mortore në lokacionin ku dyshohet për varrezë masive.
Prokuroria Speciale e Kosovës ka bërë të ditur se ka filluar zhvarrosja, autopsia dhe identifikimi i mbetjeve mortore.
“Me kërkesë të Prokurorisë Speciale dhe urdhrit të Gjykatës Themelore në Prishtinë, institucionet relevante janë duke zbatuar urdhrin për zhvarrosje (ekshumim), autopsi dhe identifikim të mbetjeve mortore në një lokacion në Komunën e Zubin Potokut”, ka thënë zëdhënësja e Prokurorisë Speciale, Arbnora Luta.
Identifikimi i këtij lokacioni u bë pas arrestimit të dy të dyshuarve për krime lufte në vitin 1999.
