Futbollisti i talentuar i sektorit të të rinjve, Sami Said e ka humbur jetën në moshën vetëm 18-vjeçare pas një aksidenti rrugor në Marok.
Ai aktivizohe për klubin italian A.C. Trento 1921.
Klubi italian e ka bërë të ditur lajmin me dhimbje të madhe, duke shprehur ngushëllime për familjen, miqtë dhe të gjithë ata që e kanë njohur të riun.
“Sami ka qenë pjesë e familjes sonë verdheblu. Përballë një tragjedie të tillë, çdo fjalë bëhet e tepërt. Mbetet vetëm një boshllëk i madh”, ishte mesazhi i klubit A.C. Trento 1921.
Vdekja e talentit të ri ka shkaktuar pikëllim të madh në ambientin e klubit dhe në futbollin Italian.
