Yurash foli për përditshmërinë e banorëve të kryeqytetit ukrainas (Kiev) në kohë lufte.
“Sirenat vazhdojnë të lëshohen çdo ditë për të paralajmëruar rrezikun dhe kur jam në Kiev realiteti është që qyteti po tenton t’i kthehet normalitetit pasi rrethimi u thye dhe i larguam rusët nga veriu i vendit. Fakti është që ka ende rrezik pasi rusët e kanë bërë të qartë që qëllimi i tyre është shkatërrimi i vendit tonë, por Kievi është gati dhe Kiev do të përgjigjet pavarësisht se me çka rusët na sulmojnë”, tha Yurash në intervistën për Tëvë1.
Deputeti ukrainas foli edhe përgatitjet për ta fituar luftën dhe përpjekjet për t’u kthyer në normalitet.
“Rutina këtu, arsyeja pse jam këtu është që të marrë pjesë në seancat parlamentare që po mundohemi t’i mbajmë normalisht ose aq sa është i mundshëm normaliteti, duke tentuar t’i bëjmë reformat që Ukrainës i nevojiten për të ardhmen e saj në Bashkimin Evropian dhe NATO, dhe gjithashtu përgatitjet për zhvillimet e luftës. Pra përgatitjet për hapat që duhen për ta mposhtur armikun tonë Rusinë. Në fakt ajo çka bëj më shumë janë përgatitjet për luftën në pjesn lindore, duke i ndihmuar trupat tona në aspektin logjistik, por edhe në ndihmën humanitare për popullsinë e asaj ane”, shtoi deputeti Yurash. /teve1.info/
