Një person ka rënë nga një lartësi (objekt) në rrugën “Arshi Pipa” në Prishtinë, ku si pasojë e plagëve të marra, viktima nuk ka arritur t’u mbijetojë plagëve dhe ka ndërruar jetë.
Lajmin për tëvë1.info e ka konfirmuar zëdhënësi i policisë për rajonin e Prishtinës, Enis Pllana i cili ka thënë se vdekja e viktimës është konstatuar nga ekipi mjekësor në vendin e ngjarjes.
Ai ka thënë se Policia në koordinim me Prokurorin e Shtetit ka nisur hetimet dhe po merret me sqarimin e rrethanave të rastit.
“Mbrëmë, rreth orës 23:00, Policia ka pranuar informatën se në rrugën “Arshi Pipa” në Prishtinë, një person ka rënë nga një lartësi (objekt). Si pasojë e lëndimeve të marra, viktima nuk ka arritur t’u mbijetojë plagëve. Vdekja e viktimës është konstatuar nga ekipi mjekësor në vendin e ngjarjes. Policia, në koordinim me Prokurorin e Shtetit, ka nisur hetimet dhe po ndërmerr të gjitha veprimet e nevojshme për sqarimin e rrethanave të rastit”, ka deklaruar Pllana./teve1.info/
