Janë këto gjashtë lira që deri hënën i takuan një vjehrre dhe pesë nuseve në Malishevë.
E këto të fundit, vendosën t’i dhurojnë në Këshillin e Bashkësisë Islame në këtë qytet.
E gjitha kjo, si donacion për ndërtimin e Xhamisë së Gurit.
Për donacionin e dhuruar, vjehrra dhe pesë nuset vendosën të mbesin anonime.
Por detaje më shumë për Tëvë1, kanë dhënë në Këshillin e BIK-ut në Malishevë.
“Një vjehërr me pesë nuset e saja kanë shprehur dëshirën që nga një lirë që e posedojnë të e dhurojnë për ndërtimin e xhamisë. Kjo natyrisht është një shembull një dhuratë e veçantë e cila edhe një herë e ka sjellë në mendjet tona rëndësinë që populli ynë e ka për fenë dhe besimin”, ka thënë Paqarizi.
E deri të ndërtimi i Xhamisë së Gurit, erdhi meqë objekti aktual nuk po i përmbush nevojat për xhematlinjtë.
“Kjo xhami nuk i plotëson kapacitetet që i gjithë xhemati të falen brenda. Përtej kësaj edhe ndërtimi nuk i plotëson kushtet kemi demolim, dëmtim të kupolës dhe themeleve të xhamisë dhe në bazë të asaj që kemi pasur komunikim me ekspertet e fushës se a mund të rinovohet apo të ndërhyjmë në të, sugjerimet kanë qenë që kjo duhet të rrënohet dhe të ndërtohet një e re”, u shpreh Krasniqi.
E këtij projekti më së shumti iu gëzuan besimtarët myslimanë në Malishëvë.
“Unë kam dëshirë të flaktë që të ndërtohet një xhami më e mirë se në krejt qendrat e tjera se unë jam malishevas dhe e dua Malishevën. Ashtu që besojë se masi u nis edhe ka me u kry. Inshallah edhe njerëzit bëjnë gajret e qesin pare për ndërtimin e kësaj xhamie. Unë e kam parë se si ka me u bë, inshallah bohet ashtu si kanë thanë”, ka thënë një qytetar.
“Shyqyr Zotit që po ndërtohet inshallah ndërtohet. Shumë mirë është se ai që qet për hajrat, për xhami, e rrugë për sa të ekziston ai objekt, doni shkojnë sevapet edhe ne varr”, u shpreh qytetari tjetër.
Ndryshe, grumbullimi i mjeteve për ndërtimin e Xhamisë së Gurit, kanë filluar në vitin 2025.
Ndërsa deri me tani janë grumbulluar mbi 204 mijë euro.
