Policia e Kosovës ka arrestuar një person të dyshuar për veprën penale “Kanosje”, pas një rasti të raportuar më 15 korrik në Prizren.
Sipas raportit policor, ankuesi kishte deklaruar se ishte kanosur nga i dyshuari, çka çoi në ndërmarrjen e veprimeve hetimore nga organet e rendit.
Pas konsultimit me prokurorin kompetent, policia realizoi bastisje në pronat e të dyshuarit në rajonin e Ferizajt, ku u sekuestruan armë, municion dhe pajisje të tjera.
Në raportin e Policisë së Kosovës thuhet:
“Lidhur me rastin e kanosjes të raportuar më 15.07.2026 në Prizren, pas konsultimit me prokurorin është kryer bastisje në pronat e të dyshuarit në rajonin e Ferizajt. Gjatë bastisjes janë sekuestruar një pushkë gjuetie, 31 fishekë për pushkë gjuetie, një karikator, dy këllëfë pistoletash, një thikë dhe një pushkë ajrore e dëmtuar.”
Me vendim të prokurorit, ndaj të dyshuarit janë iniciuar rastet për veprat penale “Kanosje” dhe “Armëmbajtje pa leje”.
I dyshuari është arrestuar dhe, pas procedurave policore, është dërguar në mbajtje, ndërsa hetimet lidhur me rastin janë në vazhdim.
