Policia e Kosovës ka arrestuar një shtetas të Turqisë në Aeroportin Ndërkombëtar të Prishtinës “Adem Jashari”, pasi dyshohet se ka tentuar të udhëtojë me dokument udhëtimi të falsifikuar.
Sipas raportit policor, rasti ka ndodhur më 23 qershor 2026, rreth orës 09:40, gjatë procedurave të kontrollit në aeroport.
Autoritetet kanë bërë të ditur se i dyshuari, mashkull dhe shtetas i Turqisë, është ndaluar pasi gjatë verifikimeve është konstatuar se dokumenti i udhëtimit që posedonte dyshohej të ishte i falsifikuar.
Lidhur me rastin është njoftuar prokurori kompetent, i cili ka urdhëruar që i dyshuari të dërgohet në mbajtje, ndërsa hetimet për zbardhjen e plotë të rastit janë duke vazhduar.
“Aeroporti Adem Jashari, 23.06.2026 – 09:40. Është arrestuar i dyshuari mashkull shtetas i Turqisë pasi që ka tentuar të udhëtoj përmes Aeroportit të Prishtinës me dokument udhëtimi të falsifikuar. Me vendim të prokurorit i dyshuari është dërguar në mbajtje”, thuhet në raport./teve1.info/
