Magjistari nga Gana, Nana Kwaku Bonsam, ka thënë se synon të përdorë fuqinë e tij për të penguar sulmuesin Harry Kane gjatë ndeshjes ndërmjet Anglisë dhe Ganës.
Ai për “Daily Star” insistoi se nuk dëshiron t’i shkaktojë Kanet ndonjë lëndim serioz, por të ndikojë në paraqitjen e kapitenit anglez kundër Ganës.
“Po punoj për Harry Kanen. Kam treguar se çfarë jam i aftë të bëjë më parë, kështu që e di se çfarë pune duhet të bëj për të penguar atë”, tha magjistari ganez.
“Jam shumë i famshëm për parashikimet e mia. Nuk i uroj lëndim serioz. Do të jetë e mjaftueshme për të ndalur kundër vendit tim. Do të bëjë punën time, në mënyrë që kjo të ndihmojë Ganën”.
Bonsam pretendohet se ka përdorur fuqinë e tij shpirtërore për t’i dhënë Ganës një avantazh në ndeshjet e mëdha të futbollit.
Bonsam doli në skenë përpara Kupës së Botës 2014, pasi pretendoi se kishte mallkuar Cristiano Ronaldon përpara takimit të fazës së grupeve ndërmjet Ganës dhe Portugalisë.
Ronaldo kishte pësuar lëndim në gju dhe kaloi një fushatë të vështirë, megjithatë kishte shënuar gol në fitoren 2:1 të Portugalisë ndaj Ganës.
