Një ngjarje e rëndë ka ndodhur mesditën e sotme në lagjen numër 4 të Pogradecit ku burri ka plagosur me thikë gruan.
Mësohet se ngjarja ka ndodhur pas një konflikti të çastit mes bashkëshortëve dhe në sherr e sipër, burri e ka goditur me thikë gruan duke i shkaktuar plagë të rënda.
Sipas informacioneve paraprake, dyshohet se burri vuan nga probleme të shëndetit mendor.
Gruaja është dërguar në spitalin e Pogradecit ku po merr ndihmën mjekësore, por sipas bluzave të bardha pritet të niset drejt Tiranës për mjekim më të specializuar, megjithëse nga vlerësimi i tyre bëhet e ditur se është jashtë rrezikut për jetën.
Autori është shoqëruar nga policia e Pogradecit në ambientet e komisariatit, ndërkohë që vijon puna nga grupi hetimor për zbardhjen e plotë të rrethanave të ngjarjes./rtsh.al
