Nënkryetari i Lidhjes Demokratike të Kosovës, Lutfi Haziri ka bërë thirrje për bashkëpunim partiak e institucional për formimin e institucioneve të reja.
Ai ka thënë se kjo është mënyra e vetme për ta kaluar krizën institucionale.
“Kosova sot ka nevojë për agjendë të zbardhur kur jemi në fund të javës së dytë pas zgjedhjeve të 7 qershorit. Cilido opsion që arrin marrëveshjen gjithëpërfashirëse, programin zhvillimor dhe agjendën strategjike duhet ta ketë në qendër të saj, ndërkaq skenari i ndarjes së përgjegjësive institucionale vjen në fund. Bashkëpunimi partiak e institucional është udha e vetme për ta thyer rrethin vicioz, për t’i dhënë fund krizave politike, që nënkupton kthimin e stabilitetit”, ka shkruar Haziri në një postim në Facebook të dielën.
Ai ka thënë se zgjedhjet e shpeshta nuk janë në të mirë të Kosovës, duke shtuar se “një njeri dhe një parti është kauzë e humbur me 17 shkurt”.
