Ministria e Industrisë, Ndërmarrësisë dhe Tregtisë ka publikuar vlerat maksimale të lejuara për shitjen e derivateve të naftës, të cilat do të zbatohen gjatë ditës së sotme.
Sipas vendimit të fundit, çmimi më i lartë i lejuar për naftën është caktuar në 1.50 euro për litër. Ndërkohë, benzina do të tregtohet deri në 1.39 euro për litër, kurse gazi (LPG) me maksimum 0.67 euro për litër.
Autoritetet kanë bërë të ditur se çmimet e përcaktuara hyjnë në fuqi nga ora 10:00 dhe do të mbeten në fuqi deri në publikimin e vendimit të radhës për ditën pasuese.
