Kandidati i Lidhjes Demokratike të Kosovës për deputet, Festim Kabashi, ka bërë thirrje për pjesëmarrje sa më të madhe në zgjedhjet parlamentare që po mbahen sot në Kosovë.
Kabashi ka theksuar se dita e zgjedhjeve është e rëndësishme për demokracinë dhe për drejtimin e ardhshëm të vendit, duke nënvizuar se çdo votë ka ndikim të drejtpërdrejtë në procesin vendimmarrës.
Ai u ka bërë thirrje qytetarëve që të ushtrojnë të drejtën e tyre kushtetuese për votë dhe të kontribuojnë në mënyrë aktive në procesin demokratik.
“Ju bëjmë thirrje edhe njëherë gjithë qytetarëve që të dalin dhe ta shfrytëzojnë të drejten e tyre të votës që të votojnë në këtë ditë të rëndësishme për vendin kushtetuese dhe demokratike, pasi çdo votë ka rëndësi dhe çdo qytetarë e ka mundësinë të përcaktojë drejtimin e vendint. Ftojmë pjesmarrësit të ruajnë qëtësin deri në përfundimin e procesit të votimit”, tha Kabashi në një konferencë për media.
Ai gjithashtu apeloi për ruajtjen e qetësisë deri në përfundim të procesit zgjedhor./teve1.info/
