Përfaqësuesi zyrtar i ndeshjeve të FC Drenicës, Granit Koci, është kualifikuar me sukses duke e përfunduar kursin për Drejtor Sportiv, i mbajtur nga F4ederata Shqiptare e Futbollit.
Koci që është zyrtar i klubit nga Skenderaj për shumë vjet, është pajisur me diplomën për Drejtor Sportiv, që është një hap i rëndësishëm profesional që forcon më tej strukturat drejtuese të klubit dhe dëshmon përkushtimin e vazhdueshëm ndaj zhvillimit, profesionalizmit dhe vizionit afatgjatë të klubit, thuhet në njoftim të skuadrës kuqezi.
Në kursin për Drejtor Sportiv të nga FSHF-ja, diplomuan 31 kursantë që përfaqësojnë një brez të ri profesionistësh në menaxhimin sportiv të klubeve shqiptare.
Ceremonia e diplomimit u zhvillua në praninë e Drejtorit Teknik të FSHF-së, Abdyl Kuriu, dhe anëtarit të KE të FSHF, Gjergji Petro, si dhe me pjesëmarrjen e të ftuarit special, Presidentit të KF Skënderbeu, Ardian Takaj.
