Skuadra e Malishevës ka shënuar fitore bindëse në shtëpi ndaj Drenicës në ndeshjen që i takoi xhiros së 34-të në Superligën e Kosovës në futboll.
Malisheva, të dieltën ka triumfuar me shifrat 4:0 ndaj Drenicës për ta blinduar pozitën e tretë në tabelë dhe daljen në garat evropiane për sezonin e ardhshëm.
Assane Diatta realizoi dy gola kurse me nga një gol kontribuuan Arlind Veliu e Xhemajl Ibishi për fitoren e thellë të Malishevës që tani ka 56 pikë të tubuara.
Drenica mbetet në kuotën e 44 pikëve kurse ndeshjen ndaj Malishevës e mbylli me një lojtar më pak.
