Sekretari i Shëndetësisë së Britanisë së Madhe, Wes Streeting ka dhënë dorëheqjen nga posti i tij, duke deklaruar të enjten se ka “humbur besimin” te drejtimi i kryeministrit Keir Starmer dhe se do të ishte “e pandershme dhe e paparimshme” të vazhdonte të ishte pjesë e qeverisë së tij.
Dorëheqja e Streeting vjen pas disa ditësh spekulimesh mbi mundësinë që ai të sfidojë zyrtarisht Starmerin për udhëheqjen e Partisë Laburiste.
Në letrën e tij drejtuar kryeministrit, ai konfirmoi largimin nga qeveria, por nuk bëri të ditur ndonjë kandidaturë për garën e udhëheqjes, shkruan CNN.
Për të nisur një sfidë të tillë, Streeting duhet të sigurojë mbështetjen e një të pestës së deputetëve laburistë në parlament – aktualisht 81 ligjvënës.
Starmer po përballet me presion në rritje brenda Partisë Laburiste pas humbjeve të thella në zgjedhjet lokale në Angli, si edhe në votimet parlamentare në Skoci dhe Uells javën e kaluar.
Këto rezultate kanë shtyrë afro 90 deputetë laburistë të kërkojnë publikisht dorëheqjen e tij. Streeting është ministri i parë i kabinetit të Starmer që largohet nga posti që nga nisja e revoltës brenda partisë.
