Kapiteni Granit Xhaka pritet që edhe sezonin e ardhshëm të jetë figurë kyçe te skuadra e Sunderlandit, pavarësisht spekulimeve për të ardhmen e tij.
Së fundmi, po raportohet se skuadra nga Turqia, Beshiktashi po insiston në transferimin e Xhakës këtë verë, pasi po e sheh 33-vjeçarin si përforcim ideal për mesfushën.
Në fakt, sipas mediumeve turke, Xhaka po e shqyrton largimin nga Sunderlandi pas vetëm një sezoni edhe pse me ekipin anglez ka kontratë deri në verën e vitit 2028.
Madje, thuhet se Xhaka është i hapur për një kalim te Beshiktashi, pasi tashmë ka marrë referenca pozitive në lidhje me klubin, futbollin turk dhe Superligën e Turqisë.
Në sezonin e tij të parë te Sunderlandi, Xhaka ka shënuar 1 gol dhe ka bërë 6 asistime në 32 paraqitje, duke u shndërruar në lider të ekipit si brenda ashtu edhe jashtë fushës.
Ai te Sunderlandi u transferua verën e shkuar nga Bayer Leverkuseni, ndërsa karrierë ka bërë edhe te Arsenali, Borussia Monchengladbachu e Baseli.
