Dy persona janë ndaluar nga Policia e Kosovës në Prishtinë, pasi gjatë kontrollit iu gjetën drogë dhe armë.
Ngjarja ka ndodhur të mërkurën në rrugën “Pashko Vasa”.
Policia bëri të ditur se tek të dyshuarit dhe në automjetin e tyre janë sekuestruar 8.09 gramë substancë që dyshohet të jetë marihuanë, si dhe një armë pistoletë me gjashtë fishekë.
Pas intervistimit, njëri nga të dyshuarit është arrestuar dhe dërguar në mbajtje, ndërsa tjetri është liruar në procedurë të rregullt. /teve1.info/
