Presidenti ukrainas, Volodymyr Zelensky deklaroi të martën se Rusia lëshoi mbi 200 dronë gjatë natës, duke akuzuar Moskën se i dha fund “armëpushimit të pjesshëm”.
“Ne kemi thënë se do t’u përgjigjemi në të njëjtën mënyrë të gjitha hapave rusë”, paralajmëroi Zelenskyy në platformën X.
Ai tha se Rusia kreu gjithashtu mbi 30 sulme ajrore dhe hodhi më shumë se 80 bomba ajrore, ndërsa dronët u rrëzuan në disa rajone të Ukrainës, përfshirë Kievin.
Sipas tij, sulmet dëmtuan objekte energjetike, ndërtesa banimi dhe një çerdhe, ndërsa pati edhe të plagosur e viktima.
“Rusia duhet t’i japë fund kësaj lufte dhe është Rusia ajo që duhet të bëjë hapin drejt një armëpushimi të vërtetë dhe të qëndrueshëm”, theksoi ai.
Ndërkohë, Ministria ruse e Mbrojtjes njoftoi se forcat e saj rrëzuan 31 dronë ukrainas gjatë natës mbi disa rajone ruse.
Verifikimi i pavarur i pretendimeve mbetet i vështirë për shkak të luftës në vazhdim, shkruan Anadolu.
Një armëpushim treditor mes Rusisë dhe Ukrainës, i propozuar nga presidenti amerikan Donald Trump, përfundoi të hënën në mbrëmje. Të dyja palët më pas akuzuan njëra-tjetrën për shkelje të armëpushimit.
