Përgjigjja e Iranit të dielën ndaj propozimit të fundit të SHBA-së për t’i dhënë fund luftës, është refuzuar nga presidenti amerikan, Donald Trump i cili e quajti në “totalisht të papranueshëm!”
Televizioni shtetëror iranian raportoi se Teherani ka refuzuar propozimin e SHBA-së ti cilën e konsideron si dorëzim, dhe në vend të tij ka këmbëngulur për “dëmshpërblime lufte nga SHBA-ja, sovranitet të plotë iranian mbi Ngushticën e Hormuzit , fund të sanksioneve dhe lirimin e aseteve të sekuestruara iraniane”.
Refuzimi i përgjigjjes së Iranit nga Trump nuk ka përshfshirë detaje. Në një postim të mëhershëm, ai akuzoi Teheranit se po “luan lojëra” me SHBA-në për afër 50 vite, duke shtuar: “Ata nuk do të qeshin më gjatë!”
Udhëheqësi i ri suprem i Iranit, Mojtaba Khamenei, “nxori direktiva të reja dhe vendimtare për vazhdimin e operacioneve dhe përballjen e fuqishme me armiqtë” gjatë takimit me kreun e komandës së përbashkët ushtarake, ka raportuar transmetuesi shtetëror.
Trump ka përsëritur kërcënimet për të rifilluar bombardimet në shkallë të plotë nëse Irani nuk pranon një marrëveshje për të rihapur ngushticën dhe për të tërhequr programin e tij bërthamor.
Në një intervistë të postuar të shtunën vonë, një zëdhënës ushtarak iranian tha se forcat ishin në “gatishmëri të plotë” për të mbrojtur vendet ku ruhet uraniumi./teve1.info/
