Në një listë të përbashkët i gjejnë zgjedhjet e 7 qershorit.
Lëvizja Vetëvendosje, Guxo, Alternative dhe Partia Shqiptare Demokrisitiane, edhe në këto zgjedhje të parakohshme parlamentare kanë bërë koalicion mes vete.
Ky është edhe koalicioni më i madh për këtë garë zgjedhore.
Dy koalicione tjera sipas Komisionit Qendror të Zgjedhjeve, janë mes partive të komuniteteve jo shumicë, që njihen me koalicionin VAKAT dhe Ashkalitë e Bashkuar.
Më 7 maj përfundoi edhe afati për partitë politike që ta njoftojnë pjesëmarrjen e tyre në zgjedhjet e qershorit.
Në njoftimin e KQZ-së, thuhet se 22 parti politike kanë njoftuar se do të marrin pjesë në këtë betejë zgjedhore.
“Partitë politike që kanë njoftuar pjesëmarrjen në zgjedhje janë: 1. Partia Socialdemokrate; 2. Kosovaki Nevi Romani Partia; 3. Partia Socialdemokrate e Ashkalinjve; 4. Za Slobodu Pravdu i Opstanak; 5. Srpska Lista; 6. Yenilikçi Türk Hareket Partisi; 7. Lidhja Demokratike e Kosovës; 8. Fjala; 9. Lëvizja Përparimtare e Romëve të Kosovës; 10. Partia Rome e Bashkuar e Kosovës – PREBK; 11. Socialdemokratska Unija; 12. Jedinstvena Goranska Partija; 13. Kosova Demokratik Türk Partisi; 14. Nova Demokratska Stranka; 15. Iniciativa e Re Demokratike e Kosovës; 16. Kosovski Savez; 17. Partia Balliste; 18. Partia Qytetare për Mirëqenie Sociale; 19. Partia Liberale Egjiptiane; 20. Aleanca për Ardhmërinë e Kosovës; 21. Stranka Demokratske Akcije; dhe 22. Partia Demokratike e Kosovës”.
Ndërkaq, nëntë parti tjera politike kanë vendosur të mos i hyjnë fare garës.
“Partitë politike që kanë njoftuar mospjesëmarrjen në zgjedhje janë: 1. Partia Demokratike e Unitetit; 2. Balli Kombëtar i Kosovës; 3. Lëvizja Qytetare Vatra; 4. Bashkimi për Ndryshim Anamorava; 5. Partia e Drejtësisë; 6. Srpski Narodni Pokret; 7. Partia Reforma Demokratike; 8. Aleanca Kosova e Re; dhe 9. Nisma Socialdemokrate”.
Deri të martën, më 12 maj, partitë politike kanë kohë t’i dorëzojnë listat me emrat e kandidatëve për deputetë.
