Kryeministri izraelit, Benjamin Netanyahu u paraqit para Gjykatës së Qarkut në Tel Aviv të mërkurën për herë të 84-të në gjyqin e tij të vazhdueshëm për akuzat për korrupsion.
Sipas faqes së internetit izraelite të lajmeve Walla, seanca dëgjimore e së mërkurës mund të jetë seanca e fundit në lidhje me Rastin 4000 përpara se gjykata të kalojë në shqyrtimin e Rastit 2000.
Netanyahu ka mohuar vazhdimisht çdo shkelje dhe i ka përshkruar akuzat si të motivuara politikisht.
Rastet, të njohura si “1000”, “2000” dhe “4000”, përqendrohen në akuzat se Netanyahu ka marrë dhurata të vlefshme nga biznesmenë të pasur në këmbim të favoreve, ka kërkuar mbulim të favorshëm mediatik nga një botues gazete dhe i ka dhënë përfitime rregullatore një ekzekutivi të telekomunikacionit në këmbim të mbulimit pozitiv në një faqe interneti lajmesh.
Përveç gjyqit për korrupsion të brendshëm, Netanyahu kërkohet që nga viti 2024 nga Gjykata Ndërkombëtare Penale (ICC) për krime lufte dhe krime kundër njerëzimit në Rripin e Gazës, ku ushtria izraelite ka vrarë më shumë se 72,000 njerëz dhe ka plagosur mbi 172,000 të tjerë në një ofensivë brutale që nga tetori i vitit 2023./Anadolu
