Dhoma e Përfaqësuesve të Egjiptit të hënën ka aprovuar kërkesën e presidentit Abdel Fattah al-Sisi për asistencë ushtarake ndaj Arabisë Saudite, sipas një deklarate të parlamentit të cituar nga Anadolu.
Aprovimi, i përcjellur nga diskutimet me dyer të mbyllura për të autorizuar mbështetje ushtarake ndaj Mbretërisë, me mundësi për vendosje të trupave, mes përshkallëzimit të tensioneve rajonale.
Parlamenti tha se autorizimi, i aprovuar nga dy të tretat, i lejon Sisit që të ndërmarrë masa në koordinim me Arabinë Saudite për ta mbrojtur territorin, pavarësinë dhe vendet e shenjta të vendit.
Vendimi erdhi pas seancave me dyer të mbyllura të mbajtura më 18, 19 dhe 26 tetor me kërkesë të presidentit, thuhet në deklaratë.
Ligjvënësit diskutuan zhvillimet rajonale dhe implikimet e tyre për sigurinë kombëtare të Egjiptit.
Deklarata nuk specifikoi masat që duheshin marrë dhe as nuk njoftoi në mënyrë të qartë një vendosje të trupave egjiptiane.
Miratimi vjen në mes të përshkallëzimit të armiqësive midis Huthive dhe koalicionit të udhëhequr nga Arabia Saudite që mbështet qeverinë e njohur ndërkombëtarisht të Jemenit.
