Policia e Kosovës ka njoftuar për një rast të keqtrajtimit apo braktisjes së fëmijës që thuhet se ka ndodhur të enjten në mbrëmje në Pejë.
Sipas raportit të Policisë për rastin është arrestuar një i dyshuar i cili pas intervistimit është liruar në procedurë të rregullt.
Ndërsa, sipas policisë viktima është kthyer në shtëpi.
“Është arrestuar i dyshuari mashkull kosovar për shkak te dyshimit se kishte kryer veprën e lartcekur ndaj viktimës femër kosovare. Pas intervistimit viktima është kthyer në shtëpi, kurse i dyshuari në konsultim me prokurorin është liruar në procedurë të rregullt”, thuhet në raportin 24-orësh të Policisë.
