Një person i dyshuar për vepra penale është arrestuar nga Policia e Kosovës të enjten në Pejë, nën dyshimet për falsifikim dhe mashtrim ndaj qytetarëve.
Sipas policisë, i arrestuari dyshohet se ka falsifikuar emblemat, nënshkrimet dhe vulat e Komunës së Pejës, duke i përdorur ato për të mashtruar qytetarë të ndryshëm.
Ai dyshohet gjithashtu se ka kontaktuar disa banorë të Pejë, duke u premtuar banesa sociale që kinse do të ndaheshin nga komuna.
Për këtë, i dyshuari u ka kërkuar para në vlerë prej 800 eurosh, me pretendimin se bëhej fjalë për fillimin e procedurave për përfitimin e banesës.
“Drejtoria Rajonale e Policisë, Stacioni Policor Pejё, mё datё 27.04.2026, ka pranuar informacion nga ankuesi se njё person tani i dyshuar, kishte falsifikuar emblemat, nёnshkrimet dhe vulat e komunёs sё Pejёs, dhe i njëjti ka kontaktuar disa qytetar tё komunёs sё Pejёs, duke iu premtuar banesa tё cilat do tё ndahen pёr raste sociale nga komuna e Pejёs, i dyshuari ka kёrkuar tё holla nё vlёrё prej tetёqind (800) euro, me pretendimin e fillimit tё proceduarve pёr marrjen e banesës”, thuhet në njoftimin e Policisë.
Pas intervistimit nga hetuesit, me urdhër të prokurorit të shtetit, i dyshuari është dërguar në mbajtje për 48 orë.
Në fund, policia u ka bërë thirrje qytetarëve që të jenë të kujdesshëm dhe të mos bien pre e mashtrimeve të tilla, duke i inkurajuar që çdo rast të dyshimtë ta raportojnë në Policia e Kosovës./teve1.info/
