Ministria e Kulturës dhe Turizmit ka vlerësuar se anëtarësimi i “Reporting House” (Shtëpia e gazetarëve) në Rrjetin e Organizatave Evropiane të Muzeve (NEMO) përbën një arritje të rëndësishme për kulturën dhe kujtesën kolektive.
Sipas ministrisë, ky vlerësim ndërkombëtar konfirmon rëndësinë e rrëfimit për luftën, rezistencën dhe rolin e gazetarisë në ruajtjen e së vërtetës.
Po ashtu, theksohet se ky zhvillim e vendos historinë e Kosovës në një kontekst më të gjerë evropian dhe hap mundësi të reja bashkëpunimi.
“Si Ministri e Kulturës, këtij muzeu i kemi dhënë mbështetje trevjeçare, duke kontribuar në zhvillimin e tij si një hapësirë e rëndësishme për dokumentim, edukim dhe kërkim. Urime ekipit për këtë sukses dhe për punën e vazhdueshme në shërbim të kujtesës sonë”, thuhet në njoftim.
