Policia e Kosovës ka njoftuar se më 19 prill, rreth orës 04:19, është hedhur një mjet shpërthyes (granatë dore) nga një veturë në drejtim të një lokali në Fushë Kosovë.
Sipas raportit të policisë, “Është raportuar se nga një veturë është hedhur një mjet shpërthyes (granatë dore) në drejtim të një lokali,” thuhet në njoftimin zyrtar të Policisë së Kosovës.
Ngjarja ka shkaktuar dëme materiale, por fatmirësisht nuk janë raportuar të lënduar. Njësitë përkatëse të policisë kanë dalë menjëherë në vendin e ngjarjes dhe janë duke trajtuar rastin. Hetimet për këtë incident janë në vazhdim.
