Seanca plenare e Kuvendit të Kosovës ka nisur me rreth një orë vonesë, ku deputetët pritet të shqyrtojnë gjithsej 12 pika të rendit të ditës.
Në këtë seancë parashikohet edhe votimi i dy rezolutave të propozuara nga opozita, që lidhen me çështje të ndryshme ekonomike dhe politike në vend.
Ndër pikat kryesore të rendit të ditës përfshihen miratimi i kredive dhe marrëveshjeve ndërkombëtare, si dhe çështje të tjera parlamentare, përfshirë zgjedhje në institucione dhe rezoluta për tema aktuale.
Sipas rendit të ditës, deputetët do të trajtojnë:
1. Miratimin e rendit të ditës
2. Miratimin e procesverbalit nga seanca e kaluar
3. Deklarimet jashtë rendit të ditës
4. Pyetjet parlamentare
5. Votimin e projektligjit për ratifikimin e marrëveshjes së kredisë me Asociacionin Ndërkombëtar për Zhvillim për projektin e sektorit financiar
6. Shqyrtimin e marrëveshjes së kredisë me Agjencinë Franceze për Zhvillim
7. Marrëveshjen me KfW për sektorin e energjisë dhe klimës
8. Marrëveshjen për projektin “Lehtësimi i Tregtisë dhe Transportit në Ballkanin Perëndimor 2.0”
9. Votimin e propozim-rezolutës për rritjen e çmimeve të naftës dhe ndikimin në koston e jetesës
10. Zgjedhjen e një anëtari joprokuror në Këshillin Prokurorial të Kosovës
11. Shqyrtimin e propozim-rezolutës për mbrojtjen e së vërtetës historike të luftës së viteve 1998–1999
12. Propozimet e grupeve parlamentare të PDK-së dhe AAK-së për emërime në komisione parlamentare
