Policia e Kosovës, në raportin e saj 24-orësh, ka njoftuar për një rast që ka ndodhur në Pejë, ku përfshihen veprat penale si shkaktim i rrezikut të përgjithshëm, kanosje dhe lëndim trupor.
Sipas Policisë, incidenti ka ndodhur më 8 prill 2026, rreth mesnatës, në një lokal. Pas një mosmarrëveshjeje, një person i dyshuar ka kanosur të pranishmit dhe ka sulmuar një tjetër, duke i shkaktuar lëndime trupore.
I dyshuari gjithashtu ka shtënë me armë zjarri, duke dëmtuar xhamat e lokalit, dhe më pas është larguar në drejtim të panjohur. Në vendin e ngjarjes, policia ka gjetur dhe konfiskuar një gëzhojë.
Viktima ka marrë trajtim mjekësor, ndërsa për rastin është njoftuar prokurori dhe hetimet janë duke vazhduar.
