Ishte vetëm 14 vjeçar, në prillin e vitit 1999.
Mirëpo pavarësisht moshës, Gëzim Avdullahaj u mor nga prehri i nënës, dhe u masakrua nga forcat serbe.
Për disa vite, trupi i Gëzim Avdullahajt ishte i zhdukur. Atij iu gjetën vetëm disa pjesë eshtrore.
Gjatë luftës në Kosovë, një pjesë e popullsisë në Lybeniq të Pejës ishte në mërgim.
Dhe për gjithçka që ndodhte në vendlindje, informoheshin përmes mediave.
Hatmane Alimehaj Krasniqi asnjëherë nuk e kishte menduar që përmes ekranit, do ta kuptonte se në mesin e të vrarëve në masakrën e Lybeniqit, ishin edhe tre vëllezërit e saj,
Ajo rrëfen se humbjen e madhe, e përjetoi shumë rëndë.
Asokohe në mërgim ndodhej edhe Milaim Huskaj. Ai rrëfen se gjithashtu përmes mediave e mori lajmin se iu vra vëllau.
Në mesin e të vrarë në masakrën e Lybeniqit, ka akoma trupa të pagjetur. Fati i tyre nuk dihet as sot e kësaj dite.
