Kryetari i Lidhjes Demokratike të Kosovës, Lumir Abdixhiku, ka reaguar lidhur me çështjen e njëhsorëve të energjisë elektrike, duke theksuar se shumë prej tyre po keqllogarisin konsumin e qytetarëve.
Në një postim në Facebook, Abdixhiku tha se qytetarët po paguajnë më shtrenjtë jo për shkak të konsumit më të madh, por për shkak të dështimeve të sistemit të matjes.
“Nga verifikimi i 884 njëhsorëve që aktivistët tanë kanë bërë, 87% rezultojnë të llogarisin kohën gabimisht, duke faturuar energjinë me tarifë të shtrenjtë edhe gjatë orëve të natës. Kjo nuk është më rastësi. Është dështim sistemik. Prandaj, LDK i fton qytetarët të kontrollojnë njëhsorët e tyre. Ne zotohemi se këtë çështje do ta ndjekim në të gjitha nivelet institucionale, deri në vendosjen e drejtësisë për çdo qytetar,” shkroi Abdixhiku.
Ai shtoi se LDK kërkon hetim të menjëhershëm, përgjegjësi institucionale, kompensim për qytetarët dhe ndalimin e çdo rritjeje të tarifave deri në zbardhjen e plotë të gjendjes reale.
Postimi i plotë:
