Këshilltarja e presidentes Vjosa Osmani, Egnesa Vitia, ka vlerësuar se vendimi i Gjykatës Kushtetuese lidhur me çështjen e presidentit përputhet me qëndrimin e presidentes.
Përmes një postimi në Facebook, Vitia ka theksuar se zgjedhja e presidentit duhet të realizohet jo më vonë se 30 ditë para përfundimit të mandatit aktual.
“Pra ashtu edhe siç e ka thënë Presidentja, zgjedhja e Presidentit duhet të bëhet jo më vonë se tridhjetë (30) ditë para përfundimit të mandatit të Presidentit aktual. Ky afat, është i përcaktuar në paragrafin 2 të nenit 86 të Kushtetutës së Kosovës”, ka shkruar ajo.
Ndryshe, ky qëndrim vjen pas vendimit të Gjykatës Kushtetuese që shpalli pavlefshëm dekretin për shpërndarjen e Kuvendit dhe theksoi se deputetët kanë 34 ditë afat për zgjedhjen e presidentit të ri./teve1.info/
