Avokati Arbër Jashari ka sqaruar se pse Gjykata Kushtetuese ka dhënë afat 34 ditë për zgjedhjen e presidentit.
Ai ka thënë se Kuvendit duhet të ketë afatin 60 ditor për zgjedhjen e presidentit para afatit 30 ditor të skadimit të mandatit të presidentit.
E 34 ditë sipas tij janë meqë Kuvendi i ri është konstituuar më vonesë më 11 shkurt dhe sipas tij, i bie që procedura ka filluar që nga kjo ditë.
“Me pak fjalë, Gjykata Kushtetuese paska thënë: Mirë e keni ju që po këmbëngulni se zgjedhja e presidentit duhet të bëhet 30 ditë para përfundimit të mandatit, pasi kjo normë është detyruese(neni 86 -2).Mirë e kanë edhe ata që thonë se procedura duhet të fillojë 60 ditë para këtij afati (pra para 30-ditëshit) dhe, nëse nuk përfundohet, vendi automatikisht shkon në zgjedhje(82-1.3).Por, ku qëndron “nyja”? Problemi është se Kuvendit duhet t’i jepet mundësia t’i konsumojë këto 60 ditë. Duke qenë se Kuvendi u konstituua me vonesë, më 11 shkurt, i bie që procedura ka filluar pikërisht nga ajo ditë. Rrjedhimisht, nga ajo kohë kanë mbetur edhe 34 ditë. Dhe na doli qe na paskan mbetur edhe 34 dite. Edhe një gjë, Gjykata nuk ka konstatuar shkelje te Kushtetues nga ana e Presidentes, por thjeshte me terma te bute ka thënë qe dekreti i saj nuk efekt juridik”, ka shkruar Jashari në Facebook.
