Presidentja e Kosovës, Vjosa Osmani, ka përkujtuar 28-vjetorin e Epopeja e Dukagjinit, duke e cilësuar atë si një nga kapitujt më të lavdishëm të luftës për liri.
Osmani ka theksuar se Epopeja e Dukagjinit përfaqëson kujtesë dhe testament të sakrificës, guximit dhe vendosmërisë për liri, duke shtuar se ajo mbetet frymëzim i përhershëm për brezat e rinj.
“Sot, me nderim dhe përulje, kujtojmë 28-vjetorin e Epopesë së Dukagjinit, një nga kapitujt më të lavdishëm të luftës sonë për liri. Më 24 mars 1998, në Gllogjan, Ushtria Çlirimtare e Kosovës zhvilloi betejën frontale në këtë zonë, duke u përballur me guxim me forcat e regjimit gjenocidal të Serbisë, të cilat kishin rrethuar fshatin dhe në mënyrë të veçantë familjen Haradinaj, e cila u bë simbol i qëndresës dhe sakrificës për liri. Në atë ditë të lavdishme, ranë për liri dëshmorët Himë Haradinaj, Gazmend dhe Agron Mehmetaj, duke u bërë përjetësisht pjesë e historisë sonë kombëtare. Epopeja e Dukagjinit është kujtesë dhe testament i sakrificës, guximit dhe vendosmërisë për liri. Ajo mbetet frymëzim i përhershëm për brezat që ta ruajmë dhe forcojmë shtetin, të ndërtuar mbi gjakun e dëshmorëve. Lavdi e përjetshme të gjithë të rënëve për liri”, ka shkruar Osmani në Facebook.
