Mbrojtësi i Kombëtares së Kosovës, Lumardh Dellova është shprehur krenar dhe tejet i lumtur me çmimin e fundit individual që e ka fituar në Bullgari.
Dellova e ka fituar çmimin për “Golin më të mirë të sezonit”, në kampionatin bullgar dhe për këtë ka bërë edhe një reagim në rrjetet sociale.
Futbollisti i CSKA Sofjes çmimin e mori për golin e shënuar në muajin shtator kundër ekipit Septemvri, duke realizuar në fillim të ndeshjes prej një distance rreth 60 metra.
“Jam shumë i lumtur për çmimin e fituar. Falënderoj familjen, bashkëlojtarët dhe të gjithë ata që besuan tek unë”, ishte postimi i shkurtër i Dellovës.
Qendërmbrojtësi në 22 ndeshje kampionale këtë sezon për CSKA-n ka shënuar dy gola, ndërsa me ekipin bullgar ka kontratë deri në verën e vitit të ardhshëm.
27-vjeçari është pjesë e CSKA Sofjes prej vitit 2024 kur iu bashkua nga Ballkani dhe ka gjasa që ky të jetë sezoni i tij i fundit në Bullgari pas interesimit nga skuadrat e shteteve tjera
