Kryetari i Partisë Demokratike në Shqipëri, Sali Berisha, ka folur për protestën e nesërme dhe u ka bërë thirrje qytetarëve të bashkëngjitën në orën 18:00.
Berisha tha se deputetët e kësaj partie nuk do të qëndrojnë në vijën e parë të protestës, por janë udhëzuar të shpërndahen në zonat e tyre, ndërsa qytetarët të marrin makinat dhe të bllokojnë rrugët.
“Deputetët kanë porosi të mos rrinë të parët, por të shkojnë pranë protestuesve të zonave të tyre. Kjo edhe mund të ndryshojë. Ishte taktikë dhe qëndrim i yni.
Rruga e vetme e tamponimit të tyre është përdorimi i mjeteve sociale. Secili nga ne duhet të denoncojë, të shkruajë, të komentojë pa u lodhur sepse kjo brigadë puthadorësh që nga mëngjesi gjer në darkë përpiqen në mënyrat nga më të ndryshmet të mbrojnë Edi Ramën, në çdo lloj forme, edhe duke u depersonalizuar në shkallë ekstreme, përbëjnë vërtet një faktor tepër të dëmshëm të kësaj diktature”, u shpreh Berisha, raporton TCh,
