Tottenhami dhe Chelsea, janë skuadrat nga Premier League e Anglisë që edhe zyrtarisht kanë shprehur interesim për transferimin e Fisnik Asllanit.
Mësohet se dy skuadrat angleze kanë monitoruar nga afër sulmuesin 23-vjeçar dhe tashmë kanë gati ofertat për transferimin e tij këtë verë.
Megjithatë, Tottenhami thuhet se po bën presion më të madh për Asllanin, duke pasur parasysh se po e sheh si përforcim ideal për sulmin.
Tottenhami është në kërkim të një sulmuesi pasi e ardhmja e brazilianit Richarlison nuk është e sigurtë, ndërsa francezit Randal Kolo Muani do ti përfundojë huazimi.
Interesim për Asllanin kanë shprehur edhe Barcelona, Borussia Dortmundi e Bayern Muncheni dhe gjasat janë të mëdha që ai këtë verë të largohet nga Hoffenheimi.
Asllani ka kontratë me Hoffenheimin deri në vitin 2029 dhe një klauzolë lirimi në vlerë prej 30 milionë eurosh, ndërsa këtë sezon ka 9 gola e 8 asistime në 27 paraqitje në të gjitha garat.
