Liverpool ka qenë mjaft i zënë deri më tani në afatin e transferimeve, duke përfshirë prurje dhe largime.
Reds kanë transferuar në radhët e veta sulmuesin uruguajan Darëin Nunez nga Benfica, për një shumë 80 milionë euro, megjithatë edhe një futbollist mjaft cilësor si Sadio Mane është larguar nga skuadra.
Zërat e fundit që po qarkullojnë thonë se edhe egjiptiani Mohamed Salah mund të largohet nga Anfield. Sulmuesi po kërkon pagë më të madhe se mbrojtësi holandez dhe në anën tjetër klubi nuk dëshiron që t’i thyejë rregullat.
Palët kanë qenë në bisedime për një marrëveshje të re që nga nëntori i vitit të kaluar, mirëpo një akord nuk është arritur asnjëherë dhe tani sa shkon e duket më e vështirë.
Në rast se një marrëveshje nuk arrihet, Reds janë të gatshëm ta lënë të lirë ishsulmuesin e Chelseas për një shumë rreth 60 milionë euro.
Salah ka vetëm edhe një vit të mbetur në kontratën e tij aktuale me skuadrën dhe kjo do të thoshte se nëse nuk arihet akord i ri, ai vitin tjetër mund të largohet me parametra zero dhe sigurisht drejtuesit nuk do ta dëshironin një gjë të tillë.
Salah është pjesë e gjigantit anglez tash e 5 vite dhe deri më tani ka fituar çdo gjë, duke përfshirë edhe Premier Ligë e Champions, madje në elitën e futbollit anglez ka arritur të fitojë edhe këpucën e artë dhe çmimin e futbollistit më të mirë të sezonit.
