Prokuroria Themelore në Prishtinë ka njoftuar se është duke kryer një aksion në bashkëpunim me me Policinë e Kosovës, dhe njësitë e tjera mbështetëse, në bazë të urdhrit të lëshuar nga Gjykata Themelore në Prishtinë, në Agjencinë e Regjistrimin e Bizneseve (ARBK).
Gjatë aksionit janë kryer bastisjet në këtë agjenci që funksionon në kuadër të Ministrisë së Industrisë, Ndërmarrësisë dhe Tregtisë nën dyshimin për raste të falsifikimit të dokumete.
“Gjatë këtij aksioni janë kryer bastisje në Agjencinë e Regjistrimin e Bizneseve (ARBK), institucion që funksionon në kuadër të Ministrisë së Industrisë, Ndërmarrësisë dhe Tregtisë, për shkak të dyshimeve për kryerjen e veprave penale ‘’Keqpërdorimi i pozitës apo autoritetit zyrtar’’ sipas nenit 414 të Kodit Penal të Republikës së Kosovës, si dhe veprën penale ‘’Rastet e posaçme të falsifikimit të dokumenteve’’, sipas nenit 391 të KPRK-së”, thuhet në komunikatë.
Aksioni është ende në zhvillim e sipër.
