Mbrëmja e së martës dhe të mërkurës, janë të rezervuara për ndeshjet e kthimit të 1/8 së finales të Ligës së Kampionëve.
Gjatë këtyre dy ditëve, do të konfirmohen tetë skuadrat që do të avancojnë në çerekfinale të kësaj gare.
Katër ndeshje do të luhen të martën dhe katër tjera të mërkurën, por në dy orare të ndryshme dhe pothuajse të gjitha përballjet pritet të jenë interesante.
Ndeshja e parë e kësaj jave në Champions, do të jetë ajo ndërmjet Sportingut të Lisbonës dhe Bodo/Glimtit, e cila luhet të martën prej orës 18:45.
Ndërkohë, nga ora 21:00, do të zhvillohet përballjet Arsenal – Bayer Leverkusen, Chelsea – PSG dhe Manchester City – Real Madrid.
Të mërkurën, prej orës 18:45 do të luhet ndeshja ndërmjet Barcelonës dhe Newcastle Unitedit, ndërsa nga ora 21:00, startojnë duelet Bayern Munchen – Atalanta, Liverpool – Galatasaray dhe Tottenham – Atletico Madrid.
