Trajneri i Real Madridit, Alvaro Arbeloa, të hënën ka publikuar listën e futbollistëve të ftuar për ndeshjen e kthimit kundër Manchester Cityt në Ligën e Kampionëve.
Në listën prej 27 futbollistëve, Arbeloa ka habitur me dy emra të ftuar, sulmuesin Kylian Mbappe dhe mesfushorin Jude Bellingham.
Duket se dy futbollistët janë rikuperuar, ndonëse Bellingham ka habitur me kthimin e tij të shpejtë nga lëndimi, i cili ka bërë që ti mungojë Realit në nëntë ndeshjet e fundit në të gjitha garat.
Po ashtu, edhe Mbappe që ka munguar në pesë ndeshjet e fundit te Real Madridi, thuhet se është rikuperuar por vështirë që francezi apo angleze të jenë startues kundër Cityt.
Dueli që zhvillohet të martën mbrëma në stadiumin “Etihad” është ndeshja e kthimit në kuadër të 1/8 së finales në Ligën e Kampionëve.
Përballjen e parë, të luajtur javën e shkuar në Madrid, Reali e ka fituar me rezultatin 3:0.
