Ish-deputeti i partisë Guxo, Burim Meta, ka thënë se heshtja e bashkëkryetarëve të kësaj partie Donika Gërvalla e Faton Peci për rikandidimin e Vjosa Osmanit edhe për një mandat nga LVV, ku në koalicion është edhe Guxo nuk ka është befasi.
Ai ka thënë një veprim i tyre ka qenë i pritshëm për shkak siç ka thënë ai të servilitetit të tyre.
Meta në një bisedë në emisionin “InfoNata” në Tëvë1, ka thënë se ata po ruajnë pozitat e tyre.
“Ka qenë e pritshme një heshtje e tillë për shkak të një serviliteti të tillë që duke mos mbrojtur interesat e partisë së tyre dhe kauzën me të cilën është krijuar partia, ku vet Vjosa e krijoi. Kjo nuk po përkthehet ndryshe përveç që duan t’i ruajnë pozicionet e tyre që i kanë”tha ai.
Por, sipas tij ata nuk përfaqësojnë shumicën e anëtarësisë së partisë, pasi siç ka thënë Meta mbi 95% e anëtarësisë e dënojnë heshtjen e tyre.
“Donika Gërvalla dhe Faton Peci nuk përfaqësojnë tërë partinë Guxo, pjesa më e madhe edhe e tërë strukturës dhe Këshillit mbi 95% nuk mendojnë ashtu siç mendojnë këta dy bashkëkryetar. Unë jam në takime dhe kontakte me strukturat dhe ata mendojnë ndryshe dhe dënojnë këtë heshtje”, ka thënë Meta.
Deputeti i Guxo, Haxhi Avdyli dhe anëtarët e degës në Deçan kanë dhënë dorëheqje nga kjo parti, kjo për shkak të mosrikandidimit të Osmanit për presidente.
Por për këtë Meta thotë se nga LVV u ishte premtuar se Osmani do të jetë kandidatja e vetme për presidente.
Por, nga LVV kanë thënë se nuk i kanë pasur votat e garantuar për Osmanin as nga gjithë Grupi Parlamentar i partisë.
Këtë e ka thënë në Tëvë1, Mimoza Kusari-Lila.
