Një 17-vjeçar është arrestuar si dyshuar për sulm ndaj një 21-vjeçari në Kaçanik.
Sipas Policisë së Kosovës të hënën rreth orës 20:50 nga nga Qendra Emergjente në Kaçanik janë informuar se kanë pranuar një rast të lëndimit në kokë nga mjeti i mprehtë.
Policia ka bërë të ditur se rasti dyshohet të ketë ndodhur rrugën “Ismajl Raka”.
I dyshuari është arrestuar pas një punë hetimore pak para mesnatës dhe me vendim të prokurorit është ndaluar për 48-orë.
“Njësitet policore kanë bërë sigurimin e vendit të ngjarjes, ndërsa hetuesit policorë kanë ndërmarrë veprime intensive hetimore për ndriçimin e plotë të rrethanave të rastit. Si rezultat i hetimeve, është arritur të identifikohet i dyshuari J. Sh., 17 vjeç, i cili rreth orës 23:50 është arrestuar nga policia dhe në prani të prindit dhe avokatit mbrojtës është intervistuar nga hetuesit policorë”, thuhet nga Policia.
I lënduari është dërguar për trajtim në QKUK pasi paraprakisht nga emergjenca e qytetit ishte transferuar në Qendrën Emergjente në Ferizaj.
