Policia në Prishtina ka arrestuar një person i cili ishte në kërkim dhe i dënuar për disa vepra të ndryshme penale.
Sipas njoftimit të Policia e Kosovës, arrestimi është realizuar mbrëmë, pas disa veprimeve hetimore dhe operative të zhvilluara nga zyrtarët policorë, të cilët kanë arritur të arrestojnë personin me inicialet I.Q., 40 vjeç.
“Personi i arrestuar ishte i dënuar për veprat penale: ‘Mbajtje në pronësi, kontroll apo posedim të paautorizuar të armëve’, ‘Asgjësim apo dëmtim të pasurisë’ dhe ‘Lëndim i lehtë trupor’. I njëjti është dërguar në vuajtje të dënimit me burgim”, thuhet në njoftim.
