Kremlini ka deklaruar të enjten se Irani nuk i ka kërkuar Rusisë ndihmë ushtarake ndërsa përballet me sulmet e SHBA-së dhe Izraelit, shkruan AP.
I pyetur nëse Rusia mund të shkonte përtej retorikës dhe t’i ofronte ndihmë ushtarake aleatit të saj, zëdhënësi i Kremlinit, Dmitry Peskov, u përgjigj se “nuk ka pasur kërkesa nga pala iraniane”.
Ai shtoi se “qëndrimi ynë i qëndrueshëm është i njohur mirë dhe nuk ka pasur ndryshime në të.”
Zyrtarët rusë kanë thënë se një traktat “partneriteti strategjik” që Moska nënshkroi me Teheranin në janar 2025 nuk parashikon ndihmë ushtarake.
